పదహారు కళలకు ప్రాణాలైన
నా ప్రణవ ప్రణయ దేవతలకు ఆవాహనం
పరువాల హోయలకు పైయెదలైన
నా ఊహల లలనకు ఉరువుల ఆసనం
చిత్తడి చిరు చెమటల చిందులు చిలికే
పద్మినీ భామీనులకు పన్నీటి స్నానం
ఘలం ఘలల నడల వలన అలసిన
మీ గగన జఘన సొబగులకు శీతల గంధం
రతివేద వేద్యులైన రమణులకు అనుభవైక వేద్యమైన నైవేద్యం
మీ తహతహలకు తపనలకు తాకిళ్ళకు ఈ కొసరు కొసరు తంబూలం
ఆనంద రంగ భంగిణులకు సర్వాంగ చుంబనాల వందనం
