చిత్రం : అమరశిల్పి జక్కన (1964)
సంగీతం : ఎస్. రాజేశ్వరరావు
గీతరచయిత : దాశరథి
నేపధ్య గానం : సుశీల
పల్లవి:
అందాల బొమ్మతో ఆటాడవా
పసందైన ఈ రేయి నీదోయి స్వామీ..
అందాల బొమ్మతో ఆటాడవా..
పసందైన ఈ రేయి నీదోయి స్వామీ..
అందాల బొమ్మతో ఆటాడవా
చరణం 1:
కనులు చేపలై గంతులు వేసె..
మనసు తోటలో మల్లెలు పూసె..
దోసిట వలపుల పూవులు నింపీ..
దోసిట వలపుల పూవులు నింపీ
నీ కోసము వేచితి రావోయీ..
అందాల బొమ్మతో ఆటాడవా...
చరణం 2:
చల్ల గాలితో కబురంపితిని ...
చల్ల గాలితో కబురంపితిని...
చందమామలో వెదకితి నోయీ...
తార తారనూ అడిగితి నోయీ....
దాగెద వేలా? రావోయీ...
అందాల బొమ్మతో ఆటాడవా...
చరణం 3:
నల్లని మేఘము జల్లు కురియగా...
నల్లని మేఘము జల్లు కురియగా...
ఘల్లున ఆడే నీలినెమలినై....
నిను గని పరవశమందెద నోయీ...
కనికరించి ఇటు రావోయీ...
అందాల బొమ్మతో ఆటాడవా..
పసందైన ఈ రేయి నీదోయి స్వామీ..
అందాల బొమ్మతో ఆటాడవా...
